Слайд



Жолаушылар Жүк жөнелтушілер

Онлайн билет сатып алу

Тізімінен станцияны таңдаңыз, содан кейін станцияның атын теруді бастаңыз

Пресс-релизы

«ҚТЖ» ҰК» АҚ мен «Samsung C&T Corporation» Қазақстан арқылы транзиттік жүктерді өткізу мен «Қорғас» АЭА логистикалық жобасына қатысу туралы бірлескен жобаларды жүзеге асыруға келісті

«ҚТЖ» ҰК» АҚ  «Ғаламдық серіктес» жобасын жүзеге асыру барысында әлемдік көліктік логистика саласындағы жетекші компаниялармен өзара әріптес болуға кірісті. Қыркүйектің 20-сында Алматыдағы «Қазақстан –Жаңа Жібек жолы – Еуропа мен Азиядағы аралық көпір» дөңгелек үстелі аясында «ҚТЖ» ҰК» АҚ мен «Samsung C&T Corporation» (Корей Республикасы) компаниясы арасында Қазақстандағы логистикалық қызмет ахуалын жақсарту мен дамыту тұрғысындағы Меморандумға қол қойылды.

Қазақстан Республика аумағындағы өзара бірлескен логистикалық қызмет түрлерін дамыту мен өзара іскерлік қарым қатынасты жақсарту көліктік логистика саласына инновациялық көзқарасты нығайту мақсатында Меморандумға«ҚТЖ» ҰК» АҚ Логистика жөніндегі вице-президенті Е. Есқалиев пен «Samsung C&T Corporation»компаниясының Вице-президенті, «Samsung Logistics» президенті Ш.Х. Ким қол қойды.       

Меморандум Қазақстанның көліктік -логистикалық секторына қызмет көрсету саласына халықаралық логистикалық компанияларды тартуды көздейді.

Аталмыш Меморандум аясында Қазақстан аумағы арқылы  «Samsung C&T Corporation» компаниясының транзиттік тасымалдау өнімдерін өткізуге қатысты мәселелерді қарастырады.

Маңызды құжат бойынша Қазақстан аумағында логистикалық ықпалдасқан өнім құрудағы бірлескен жобаларды жүзеге асыру, Қазақстан аумағы және транзиттік бағдарларға жаңа жүк ағындарын тарту,темір жол көлігімен тасымалданатын мультимодальдік тасымалдауға темір жол көлігінің ықпалдастығын ынталандыру,   сонымен қатар көліктік шығындарды барынша азайту көзделеді.






«ҚТЖ» ҰК» АҚ «Электронды пойыз» инновациялық жобасы аясын кеңейте түсуде

Қыркүйектің 20-сында Алматыда «Қазақстан –Жаңа Жібек жолы – Еуропа мен Азия аралық көпірі» дөңгелек үстелі аясында «Қазақстан темір жолы» ҰК» АҚ, «Ұлттық көліктік логистикалық даму орталығы» АҚ, «KAZLOGISTICS» көліктік логистикалық қауымдастығы, ҚР Ұлттық экспедиторлар қауымдастығы арасында төртжақты республика аумағында логистикалық қызмет көрсетудің өзара әріптестігі Меморандумына қол қойылды. 

Маңызды құжатқа «ҚТЖ» ҰК» АҚ Логистика жөніндегі вице-президенті Е. Есқалиев, «КЛДҰО» АҚ президенті Р. Жиеналиев, «KAZLOGISTICS» атқарушы директоры К. Мұқышев, «ҰЭКҚ» Бас директоры И. Сегал қол қойды.

Меморандумға сәйкес, тараптар өзара әріптестігі Қазақстан аумағы және Кедендік Одақ аумағы арқылы транзиттік жүктерді тасымалдаудың қолайлы мүмкіндіктерін жасау, көліктік логистика саласындағы инновациялық жобаларды жасау мен өндіріске енгізу тұрғысындағы мемлекеттік-жеке серіктестіктің дамуына ықпал ету, Қазақстан аумағындағы ықпалдасқан логистикалық өнім өндіру мақсатындағы бірлескен жобаларды жүзеге асыруға бағытталады.

Осы Меморандум аясында «ҚТЖ» ҰК» АҚ алдағы тасымалданатын жүктер туралы ақпараттарды алдын ала жинақтау арқылы олардың дұрыс ресімделуін қадағалайды. Оның ішінде кедендік орындардың да құжаттарды өңдеуден өткізуіне, электрондық тасымалдау құжаттарының дұрыс ресімделуін, жүк жіберушінің ақы төлеу әлеуетінің мүмкіндігін анықтау арқылы тиісті жүктердің қозғалысындағы олқылықтарды алдын ала анықтап, тоқталыссыз тасымалдануына мүмкіндік әпереді.






Қазақстан –Жаңа Жібек жолы : Қазақстанның көліктік логистикасының стратегиялық векторы

Қыркүйектің 20-сында Алматыда «Транзит Қазақстан -2012» көрмесі аясында «Қазақстан –Жаңа Жібек жолы – Еуропа мен Азия аралық көпірі» дөңгелек үстелі өткізілді. Дөңгелек үстел «Жібек Жолы» Халықаралық көліктік –логистикалық форум айдарымен өтті.

Қазақстан Республикасы Президентінің жанындағы Шетел инвесторлары кеңесінің 25-ші отырысында Елбасы: «Жаңа Жібек жолы»: Қазақстан өзінің тарихи ролін атқарып, Орталық Азия аймағының іскерлік транзиттік хабы болуға тиіс. Еуропа мен Азияның арасындағы өзіндік көпір болуға лайықты ... Бұл Қазақстанның халықаралық деңгейдегі көліктік-логистикалық, қаржылық- іскерлік, инновациялық –технологиялық және туристік маңызды көліктік дәлізі болып құрылады» деген болатын.

Осыған байланысты ҚР көлік және коммуникациялар министрлігі, Қаржы министрлігі кеден комитеті, «Самұрық –Қазына» ҰӘҚ» АҚ, «Қазақстан темір жолы» ҰК» АҚ, «Көліктік логистиканы дамытудың ұлттық орталығы» АҚ, «KAZLOGISTICS» көліктік-логистикалық қауымдастығы, сондай-ақ бизнес құрылымдары мен ірі халықаралық ұйымдар мен көлік компаниялары өкілдерінің қолдауымен дөңгелек үстел ұйымдастырылды. Шара барысында қатысушылар тәжірибе алмасады. Аймақтың көліктік- логистикалық мақсаттағы атқарылып жатқан шараларымен танысып, маңызды мәселелерді талқылайды.

Он алты мемлекеттің өкілдері (Белорусь, Венгрия, Грузия, Иран, ҚХР, Қырғызстан, Латвия, Литва, Корей Республикасы, Ресей, АҚШ, Украина, Швейцария және т.т) көліктік- логистикалық саладағы мемлекеттік басқару құрылымдары, жеке бизнес, сауда, халықаралық ұйымдары, қаржы институттарын әкеліп отыр. Олардың ішінде ЕЫҚҰ, БҰҰ, ЕЭО, Еуразия Экономикалық комиссиясы, ТРАСЕКА транзиттік дәлізі, Азиялық даму банкі өкілдері де дөңгелек үстел отырысына қатысуда.

ҚР ККМ жауапты хатшысы Ж. Қасымбек өзінің алғы сөзінде сенімді әрі тиімді, сапалы көліктік желі Еуразиялық аймақтың экономикалық маңызды факторы екендігін атап өтті. Қазақстанның Еуропа, Шығыс пен Оңтүстік Шығыс Азия елдерінің дамушы нарығына шығуға болатын қолайлы өңірде орналасуына байланысты ерекше рол міндеттеледі.

Сондай-ақ, ол Қазақстанның көліктік кешенді ықпалдастықтың нарықтық бәселестік ортасына бейімдеуі оның халықаралық жүйеге кірігуіне және еліміздің транзиттік әлеуетін дамытуға кең жол ашады.

Дөңгелек үстел отырысы үш сессияға бөлінді. Оларда «Қазақстан –Жаңа Жібек жолы» жобасын дамыту, Қазақстан Республикасының ғаламдық транзиттік әлеуеттін арттыру, сондай-ақ көліктік логистикадағы интермодальдық шешімдерді шығару қарастырылды.

«ҚТЖ» ҰК» АҚ логистика жөніндегі вице-президенті Е. Есқалиев дөңгелек үстелге қатысушыларды Қазақстанның көліктік логистикалық жүйесіндегі стратегиялық «Қазақстан –Жаңа Жібек жолы» ауқымды жобасының тұсаукесер рәсімін өткізіп, таныстырды.






«Транзит Қазақстан -2012» халықаралық көрмесі өткізілуде

Алматыда қыркүйектің 19-21 күндері «Транзит Қазақстан -2012» халықаралық көрмесі өткізілуде.  Көрмеге «ҚТЖ» ҰК» АҚ арнайы тұтас қабырғалық көрмесі де қойылған.

«Транзит Қазақстан» көрмесі Орталық азия аймағындағы көліктік логистикалық мақсаттағы басты шаралардың бірінен саналады. Онда қазіргі қолданыстағы  соңғы үлгідегі көліктік логистикалық техника мен технологиялардың оның даму әлеуетіне қатысты жайлары қарастырылған. Қазақстан Республикасының еуразиялық кеңістіктегі транзиттік әлеуетін дамыту ел имиджін көтерудің болашағы қамтылған. 

Көрмеде темір жол, теңіз, автокөлік және әуе көлігі кешенінің сонымен қатар аралас жүктерді тасымалдау, курьерлік қызмет, порттар, терминалдар, жүктерді тасымалдау құралдары қойылған.

«Транзит Қазақстан» көліктік логистикалық қызметі нарығындағы іскерлердің жылма жыл кездесуі Қазақстан Республикасы көлік және коммуникациялар министрлігінің  қолдауымен ұйымдастырылып отыр.
 
«Транзит Қазақстан 2012» көрмесіне 14 мемлекеттен жүзден астам компания қатысуда. Олардың ішінде ТМД және республикалық және Қазақстанның өз ішіндегі мемлекеттік кәсіпорындар логистика мен тасымалдау саласында қызмет ететін компаниялар қатысуда. 
 
Айта кету керек «ҚТЖ» ҰК» АҚ дайындаған  көрмесі ұлттық нақышпен әрленген. Оның құрамында «Қазтеміртранс» АҚ және «Қазтранссервис» АҚ  жетістіктерін ұсынған. 





Жолаушылар ұсынысына орай

Қыркүйектің 16-сынан бастап Қарағанды-Омбы бағдарына жолаушылар пойызы қатынай бастады. «ҚТЖ ҰК» АҚ мен еншілес кәсіпорны «Жолаушылар тасымалы» АҚ басшылығы Қарағандыдан батыс сібір аймағына қатынаушылардың көптігіне байланысты ұйымдастырылды.

Қарағанды – Омбы жолаушылар пойызы аптасына үш рет сейсенбі, жұма, жексенбі күндері қатынайды.

Пойыз құрамында сегіз вагон бар. Оның үшеуі купелік, 5 плацкарт вагондар. Пойыз Қарағандыдан Астана уақытымен 23 сағат 50 минутта шығып, Омбыға Мәскеу уақытымен 15 сағат 55 минутта жетеді. Жолда 18 сағат жүреді.

Компания басшылығы жолаушылардың қатары молая түссе қосымша вагондарды тіркеуді ойластыруда.

«Қазақстан темір жолы» ҰК» АҚ

«Жолаушылар тасымалы» АҚ Баспасөз қызметі






Басты мәселе сұранысты қанағаттандыру

Статистикалық мәлімет қазақстандықтардың темір жолмен көп қыдырыстайтындығын айғақтайды.

«ҚТЖ» ҰК» АҚ жедел мәліметіне қарағанда қыркүйектің 10-16-сы аралығында 393 168 жолаушы тасымалданған. Бұл көрсеткіш өткен жылдың сәйкес мерзімімен салыстырғанда 13,4 пайызға жоғары көрсеткіш. Өткен жылы 346 857 адам темір жол көлігін пайдаланған.


Жолаушылар айналымы 325 млн. 278 мың жолаушы-шақырым құраған. Бұл өткен жылдың сәйкес мерзімімен салыстырғанда 10,6 пайызға жоғары көрсеткіш. Өткен жылдың сәйкес мерзімінде 294090 жолаушы шақырым құраған.

Жыл басынан бері 15 млн. 027 мың 563 адам темір жол көлігімен қыдырыстаған. Бұл өткен жылдың сәйкес мерзімімен салыстырғанда 11,9 пайызға жоғары көрсеткіш. Өткен жылы 13425296 жолаушы пойызды пайдаланған.

«Қазақстан темір жолы» ҰК» АҚ Баспасөз қызметі






«Қазақстан - Жаңа Жiбек жолы – Еуропа мен Азия аралығындағы көпiр» дөңгелек үстелі

Алматы қаласында 2012 жылдың 20 қыркүйегiнде «Transit Kazakhstan-2012» көрмесi шеңберiнде «Қазақстан- Жаңа Жiбек жолы – Еуропа мен Азия аралығындағы көпiр» атты дөңгелек үстел өтеді.

Шетелдiк инвесторлар кеңесiнiң 25-шi пленарлық мәжiлiсiнде «Жаңа Жiбек жолы» жобасының iске асыруының басталғандығы туралы Қазақстан Президенті: «Қазақстан өз тарихи рөлiн қайта жаңғыртып және Еуропа мен Азияның аралығында Орталық - Азия өлкесiнің ең iрi iскерлік өтпелi хабы, өзiндiк Көпiрі болуы керек… Бұл бiртұтас халықаралық деңгейдегі- сауда - логистикалық, қаржылай - iскерлік, инновация-технологиялық және туристiк көлiк- логистикалық кешенді хабының қалыптасуын жүзеге асыруы тиіс»,деген болатын.

Транзит үшiн тиiмдi шарттар жасалып және қазiргi физикалық және физикалық емес тосқауылдарды еңсере отырып Қазақстан шығыс пен батыс аралығында батыс Қытайдың бiр бөлiгiнен Еуропаға, Ресейге Парсы шығанағы елдеріне, Орталық Азия, Кавказ тауарларына жол ашылып құрғақ жер көпiрі ретiнде кіреді.

Осыған байланысты, Қазақстан Республикасы Көлік және Коммуникация министрлігі, «Самұрық-Қазына» ұлттық әл-ауқат қоры, «Қазақстан темір жолы» ҰК» АҚ, «Көліктік логистиканы дамыту Ұлттық орталығы» АҚ, «KAZLOGISTICS» көліктік логистикалық қауымдастығы қатысуында және қолдауында, сонымен бiрге ең iрi халықаралық ұйымдар және көлiк серiктестiктерiнiң өкiлдерi, еуразиялық құрылығындағы орталық қатысушы ретiнде халықаралық экономикалық - саудалық қатынастардың дүниелiк қоғамы көздерiндегi Қазақстан орнын анықтауына мүмкiндiк туғызуға шақырған дөңгелек үстел отырысы ұйымдастырылады.

Қатысушылар дөңгелек үстел сессияларында көлiктік - логистикалық сала бойынша өте көкейкестi тақырыптар төңiрегiнде ойларын ортаға салып, талқылайды. Ғаламдық сұрақтар арасында қаралатыны:

  •  Көлiктік сала үшiн Кеден одағының артықшылықтары;
  •  Халықаралық тасымалдаулардың рөлі;
  •  Қазақстанның көлiктік - логистикалық хаб болып қалыптасуының шаралары, кеден және шекаралық қызметтердің бизнеспен өзара әрекеттесуі;
  •  Халықаралық әрiптестiк, өтпелi дәліздерді кезектік ретімен пайдалану бойынша бiрлескен жобаларды iске асыруы;
  •  Жетiстiктiң маңызды факторы ретінде көлiк логистикасындағы интермодальдi шешімдер;

Дөңгелек үстелдің жұмысына 100 астам қатысушы ат салысады, соның iшiнде сарапшылар, кәсiпкерлiк өкiлдерi және мемлекеттiк құрылымдар, кедендік делдалдары, шетел көлiк серiктестiктерiнің өкілдері, көлiктік - логистикалық қауымдастықтар, халықаралық ұйымдар және қаржы институттары қатысады.

Сондай-ақ, Қатысуға тілек білдірушілерге қатысушылар мен БАҚ өкілдеріне «Қорғас- Шығыс Есік» АЭА, қазақстандық және қытайлық жағынан «Қорғас» ШМЫХО мен «Алтынкөл» бекетіне тур жоспарланған.

Дөңгелек үстел отырысына қатысушылар мен тiркеуге қатысты мәселелер бойынша толық ақпаратты Сiз www.kazlogistics.kz сайтынан ала аласыз.

Аккредитациялық тіркеуді тел. 611 650, 611 733, 611 726,

+77029992091 Назым,

+77770149013 Камшат

n.zarlykanova@gmail.com, pr@kazlogistics.kz






«Қазақстан темір жолы» мен Үрімші темір жолы 2013 жылы 17 миллион тонна жүк тасымалдауды жоспарлап отыр

Астанада Қазақстан мен Қытай шекаралық аралас комиссиясының 21-ші кеңесі аяқталды. «Қазақстан темір жолы» ҰК» АҚ президенті Асқар Мамин мен Үрімші темір жолының бастығы Тан Шишен бірқатар құжаттарға қол қойды. Қыркүйектің 8-14-і аралығындағы Кеңес барысында тараптар шекаралық әріптестік мәселесін талқылады.

Қазақстан темір жолы мен Үрімші темір жолының басшылығы Алтынкөл-Қорғас шекаралық өткелінің құрылысы туралы соңғы ақпараттармен алмасып, 2012 жылы онда қозғалысты жүзеге асыруға келісті. Оның ішінде тараптар Алтынкөл –Қорғас өткеліндегі жылжымалы қозғалысты жүзеге асырудың уақытша мүмкіндігі, жүктерді қабылдап, жөнелту жайын ақылдасты. Бірқатар мәселелерді пысықтап алған соң, аталмыш уақытша технологияны бекіту үшін қазан айында кеңес өткізуге ұйғарым жасасты.

Оған қоса, Кеңеске қатысушылар 1992 жылғы тамыздың 10-ындағы Қазақстан Республикасы Көлік министрлігі мен Қытай Халық Республикасы темір жол министрлігі арасындағы шекаралық темір жол келісіміне өзгерістер мен толықтырулар енгізу жөніндегі Хаттама жобасын жасады. Хаттама тараптардың мемлекеттік органдары қол қойған соң күшіне енеді.






«ҚТЖ» ҰК» АҚ еншілес кәсіпорны «Қазтеміртранс» жылдық есебін жариялады

2011жылғы қаржылық экономикалық жыл қорытындысы бойынша «Қазақстан темір жолы» ҰК» АҚ еншілес кәсіпорны «Қазтеміртранс» АҚ-ының 100 пайыздық табысы 2012 жылғы қаңтарда 14,8 млрд. теңгені құрады. Ол алдыңғы жылға қарағанда 1,6 млрд. теңгеге жоғары көрсеткіш. 2011 жылдың 1-ші қаңтарында ол көрсеткіш 13,2 млрд. теңгені құраған болатын.

Құрылымдағы негізгі кірістің 76 пайызын жүк вагондарымен тасымалдау қызметі алады. Қалған бөлігі экспедиторлық алып жүру, вагон паркі операторлығы секілді қызмет түрлеріне түседі.

2010 жылғы «Қазтеміртранс» АҚ активтік қоры 355,6 млрд. теңгені құраса, 2011 жылы ол көрсеткіш 392,3 млрд. теңгеге жеткізілді. Жеке қоры 2011 жылы 12,9 млрд. теңгеге артып, 109,7 млрд. теңгені құрады.

2011 жылы қор жинақтау көлемі 99,8 млрд. теңгені құрады. Бұл қаржы жаңа жүк вагондарын алуға, вагон жөндеу деполарын жөндеу, вагон пайдалану мерзімін ұзарту жұмыстарына жұмсалды.

2011 жылы «Қазтеміртранс» АҚ жөндеудің барлық түрлерінен 20847 вагонды өткізді. Оның ішінде 1507-сі күрделі жөндеуден, 18067-сі деполық, 1273-і вагонның пайдалану мерзімін ұзартататын күрделі жөндеу түрінен өткізілді.

2011 жылы компанияға 7059 жүк вагондары сатып алынды.

«Қазтеміртранс» АҚ,

«Қазақстан темір жолы» ҰК» АҚ баспасөз қызметі 






Теория мен тәжірибені ұштастыра отырып

«Қазақстан темір жолы» ҰК» АҚ Көліктегі технология орталығында «Самұрық –Қазына» ҰӘҚ компанияларын дуальды оқу жүйесіне көшіру жөнінде Үшжақты келісімге қол қойылды.

Үшжақты келісімге KEGOK, «Қазмұнайгаз», «Қазақтелеком», «Қазатомпром» аймақтық білім басқармалары мен орта оқу орындарының жетекшілерімен жасасты.
 

Бұған дейін Көліктегі технология орталығы «ҚТЖ» ҰК» АҚ Ақмола көлік және коммуникация колледжі және Тынышбаев атындағы көлік және коммуникациялар академиясымен  студенттерді оқыту жөнінде келісім жасасқан болатын.

Ел басшылығы Ұлттық әл-ауқат қорына негізгі кәсіпорындардың тізбесін анықтау және жұмысшы кадрларды даярлаудың индустриялық жағынан дамыған озық мемлекеттерде – Германияда, Англияда, АҚШ-та, Оңтүстік Кореяда өзін жақсы көрсеткен дуальдық үлгісін енгізудің қадамдық жоспарын әзірлеуді тапсырды.
 
Салтанатты сәтте сөз алған «Самұрық-Қазына» ҰӘҚ басшысы Өмірзақ Шөкеев:
-Әлемдік тәжірибе бойынша бір жұмысшыны дайындауға 20 пайыздық шығын жұмсалса, оның еңбек көрсеткіші 30-40 пайызға артатындығы белгілі,- деп атап өтті. 
 
Оқудың бұл моделі оқу үдерісіндегі теориялық және практикалық мүмкіндіктерді ұштастыра жүргізеді. Кадрлерді даярлаудағы оқу түрі бір мезгілде білім алумен қатар өндірістік тәжірибені де енгізеді. Меморандумдарға қол қою жұмыс берушілердің дуальдық жүйе бойынша білім алғандарды қызметке қабылдауына мүмкіндік әпереді. 






Syndicate content

«ҚТЖ» ҰК» АҚ трансформациясы
«ҚТЖ» ҰК» АҚ трансформациясы
«ҚТЖ» ҰК» АҚ приватизациясы
«ҚТЖ» ҰК» АҚ приватизациясы
© АО «НК «Қазақстан темір жолы»
Политика информационной безопасности
Ваш отзыв очень важен для нас
Оценка дизайна web-сайта