Слайд



Жолаушылар Жүк жөнелтушілер

Онлайн билет сатып алу

Тізімінен станцияны таңдаңыз, содан кейін станцияның атын теруді бастаңыз

Пресс-релизы

МЖС – көліктік инфрақұрылымды қаржыландырады

«Қазақстан темір жолы» ҰК» АҚ, «Қазақстанның мемлекеттік –жеке сектордың серіктестігі және Group AG (Португалия) үш жақты өзара әріптестік туралы меморандум жасады. Бұл келісімге «Қазақстандағы мемлекеттік қызмет көрсетуді дамытуға жеке инвестиция тарту» тақырыбындағы Мемлекеттік әріптестік пен бизнестің серіктестігі конгресінде қол қойылды. Онда инфрақұрылымды дамытуға мемлекеттік –жеке серіктестік секторы механизмдерін пайдалану жайы талқыға салынды.

Маңызды құжат инфрақұрылымды дамытуға мемлекеттік –жеке серіктестікті пайдалану және әріптестікті әрі қарай жетілдіру, оның ішінде New Silk Road (Жаңа Жібек Жолы) транзиттік бағдары бойынша Индонезия, Шаңхай, Лянюньган портын және Қазақстан аумағын пайдалану арқылы жүк тасымалдау жобасы жасалған.

Үш жақты келісімнің басты мақсаты мемлекеттік –жеке сектордың серіктестігі бағытындағы іс тәжірибе алмасу және өзара біліктілігін көтеруде ақпарат алмасуы көзделген. Жобаны жүзеге асыруда, нормативтік –құқықтық актілерді ретке келтіру, инвестициялық жобаларды жүзеге асыруда оны әзірлеу мен сараптаудағы әдістемелік кепілдіктер, бизнес үдерісіндегі материалдар алмасу, ұйымдастыру шараларын өткізуді сапалы басқару, терминалдық желіні дамытудағы бірлескен жобаларды зерттеу қарастырылады. Әзірге «Қорғас- Шығыс қақпасы» АЭА және сондай-ақ болашақтағы жаңа темір жол желілері құрылысы жобасын жүзеге асыру көзделеді.

КЛДҰО Баспасөз қызметі

«ҚТЖ» ҰК» АҚ баспасөз қызметі






Елбасы саясатын қолдай отырып

Бүгін «Қазақстан темір жолы» ҰК» АҚ-ның 97 қызметкері «Нұр Отан» ХДП мүшесі атанды. «ҚТЖ» ҰК» АҚ персоналды басқару және әлеуметтік мәселелер жөніндегі вице-президенті, «Нұр Отан» ХДП бастауыш партия ұйымының төрағасы Асхат Акчурин ҚТЖ компаниялар тобындағы еншілес ұйымдарының жас мамандарына партия куәлігін табыс етті.

Жастарды партия қатарына өтуімен құттықтаған Асхат Акчурин мамандардың Нұр Отанға өтуі олардың келешекті болжап, кемел оймен Елбасының саясатын қолдайтынын білдіретіндігін атап өтті.

Сонымен қатар отырыста «ҚТЖ» ҰК» АҚ бастауыш партия ұйымының «Самұрық-Қазына» АҚ «Нұр Отан» ХДП жаңадан құрылатын филиалына өту туралы шешім қабылданды. Кездесу соңында Асхат Акчурин партия мүшесі атанған теміржолшылардың еңбегіне табыс тіледі.

Дәл осы күні «Вокзал сервис» АҚ-ның 40 қызметкері де партия куәлігін алды. Партия куәлігін «ҚТЖ» ҰК» АҚ «Нұр Отан» ХДП бастауыш партия ұйымының төраға орынбасары Науан Сарин мен «Вокзал сервис» АҚ президенті Қайрат Тұрлыханов тапсырды.






Астанада ҚТЖ, GE мен Трансмаш дизель ААҚ дизель двигательдерін шығаратын болады

«Қазақстан темір жолы» ҰК» АҚ, «General Electric Company» мен «Трансмашдизел» ААҚ Қазақстанда дизель двигателі мен қосалқы бөлшектерін шығаратын зауыт құру ниеті туралы меморандумға қол қойды.

Бүгін 5-ші Астана экономикалық форумы аясында «ҚТЖ» ҰК» АҚ президенті Асқар Мамин, «General Electric Transportation» Бас атқарушы директоры және президенті Лорензо Симонелли маңызды құжатқа қол қойды.

Меморандум бойынша Астанада «GEVO» маркалы дизель двигательдерінің жылына 400-і құрастыралады. Сонымен қатар General Electric технологиясы негізінде қосалқы бөлшектері шығарылады.

Двигателдер Астанадан шығып жатқан қазақстандық «Evolution» тепловоздарына орнатылады.

Құжаттамаға сәйкес, болашақта құрылатын зауыт темір жол көлігі ғана емес кемелерге де жарамды өнімдер шығарып, оған сервистік қызмет түрлерін де көрсете алатын болады.

«GEVO» дизель двигательдері Қазақстан ғана емес Ресей, Украина, Белоруссия, Түркменстан, Өзбекстан, Армения, Қырғызстан, Тәжікстан, Әзербайжан, Молдова, Эстония, Грузия, Монғолия, Латвия, Литва нарығына шығарылатын болады.

Оған қоса Қазақстанда двигатель өндірісіне қажетті бөлшектер мен құрал жабдықтарын кезең-кезеңімен игеру жоспарланып отыр.

«ҚТЖ» ҰК» АҚ Баспасөз қызметі

«General Electric RUCIS» Баспасөз қызметі






Дөңгелек үстел: Қазақстанның логистикалық мүмкіндігі

Кеше Астанада экономикалық форум аясында Қазақстанның көліктік инфрақұрылымын дамыту мәселесіне арналған дөңгелек үстел отырысы өткізілді. Оған «Қазақстан темір жолы» ҰК» АҚ басшылығы қатысты.

Маңызды шараға Экономикалық серіктестік ұйымы, АҚШ Колумбия университеті, Автомобил көлігі Халықаралық одағының өкілдігі, бірқатар министрліктер мен мемлекеттік орындардың өкілдері қатысты.

Мемлекет Басшысы Президент жанындағы шетелдік инвесторлар Кеңесінің 25-ші отырысында сөз сөйлеп, онда республиканың байырғы тарихи ролін қалпына келтіріп, Орта Азияның транзиттік хабы ретінде Еуропа мен Азия арасындағы көпір ретінде қалыптастыру туралы тапсырма берді. 2020 жылдары Қазақстанның транзиттік жүк тасымалдау әлеуетін жылына 50 миллион тоннаға дейін көтеруді ұсынды. Бүгінде үкіметтік тұрғыда еліміздің көлік саласын дамыту жобасы жасалуда.

Дөңгелек үстел отырысында Қазақстанның транзиттік көліктік –логистикалық мүмкіндігін арттыру, көліктік - инфрақұрылымды дамытуы, еліміздің халықаралық көліктік коммуникациялық кешенге ықпалдасуы талқыланды.

Дөңгелек үстел отырысында сөз сөйлеген ҚТЖ Логистика жөніндегі вице-президенті Ерхат Есқалиев Үкіметтің көлік саласында дамытуға маңыз беруі заңды. Себебі, Батыс пен Шығыстың, Еуропа мен Азияның арасындағы құрлықтық байланысты қамтамасыз етіп отырған Қазақстанның транзиттік әлеуетін бұдан да әрі дамыта түсу кезек күттірмейді.

Қазіргі таңда көліктік бағдарларды жасақтау арқылы жаңа нарықты бағындыруы, салықты және бағаны, есеп айырысу мен ақпараттық алмасуларды бірыңғайлындыру, көлік жүйесіндегі мемлекет аралық серіктестікті дамыту жайы сөз болды.

Қазақстандағы көліктік логистикалық дамуының түрлі бағыттары туралы «Қазтеміртранс» АҚ, «Кедентранссервис» АҚ, «Ақтау халықаралық теңіз сауда порты» РМК жетекшілері баяндама жасап, өз ойларымен бөлісті.

«ҚТЖ» ҰК» АҚ, ҰҚЛДО баспасөз қызметі



 






Жапония мен Қазақстан бірыңғай ықпалдасқан логистикалық өнім шығаруға мүдделі

Астанада 5-ші Астана экономикалық форумы аясында «Қазақстан темір жолы» ҰК» АҚ мен «Toyota Tsusho Corporation» арасында өзара әріптестік туралы меморандуға қол қойылды.

Маңызды құжатқа «ҚТЖ» ҰК» АҚ президенті Асқар Мамин мен «Toyota Tsusho Corporation» президенті Дж. Карубе «ҚТЖ» ҰК» АҚ «Ғаламдық серіктес» жобасы аясында әлемдік жетекші компаниялармен логистика саласында белсенді әріптестік қарым қатынас орнатуға кірісті.

Осындай компанияның бірі – «Toyota». «Toyota» компаниясы отандық 94 және 344 шетелдік кәсіпорындармен Азия және Мұхиттар айдыны , Қытай өңірі, Еуропа және Солтүстік Америка және басқа да бизнесті дамытудың төрт аймағын қамтиды. Бүгінгі таңда алып компания Қазақстан бойынша бірқатар жобаларды жүзеге асырып келеді. Компанияның негізгі жұмысы ішкі көтерме саудасы, импорт, экспорт, инвестициялық жобалар, сақтандыру мәселелері қарастырылған.

Меморандум аясында «Toyota» компаниясының әлеуетін «Қорғас- Шығыс қақпасы» арнайы экономикалық аймақ жобасын жүзеге асыруға, Жапония мен Оңтүстік Корея, ҚХР, Еуропа, ТМД, Орта Азия аймағы және кері бағытта пайдалану жоспарланып отыр.

Өзара ынтымақтастық аясында Қазақстан Республикасы аумағында Жапонияның да ықпалдастыққа арналған өнімдерін тұтыну мен жобаларын жүзеге асыру жоспарланып отыр.

Тараптар мультимодалдық көлік түрлерін пайдалануда Қазақстанның транзиттік әлеуетін, көліктік- логистикалық жобаларын ел аумағында жапондық жүк айналымын арттырудың кешенді шараларын жүзеге асыру мақсатында тұрақты жұмыс тобын құруға уағдаласты.

Бірлескен ықпалдасқан көліктік-логистикалық өнімдерді ел аумағы арқылы транзиттік тасымалдау Қазақстанды Орталық Азиядағы көліктік –логистикалық хабқа айналдыру жобасынан туындап отыр.

«Toyota Tsusho Corporation» компаниясы Toyota Motor Corporation компаниясының еншілес кәспорны болып табылады. Компанияның негізгі қызметі ішкі сауда, экспорт-импорт, инвестициялық жобалар, сақтандыру және тағы басқалар. Компанияның негізгі тұжырымдамасы нарықтың жеделдігін арттыру, үш түрлі синергия бизнес саласын құру, оның ішінде жеделдік, қоғам және ресурсты тиімді пайдалануды көздейді.

«ҚТЖ» ҰК» АҚ Баспасөз қызметі






2011 жылы ҚТЖ-ның жүк және жолаушы тасымалы өскен

«ҚТЖ» ҰК» АҚ қызметін сапалы бағалау мақсатында компанияның қаржылық-экономикалық бөлімі 2011 жылдың жұмыс қорытындысын сарапқа салды. Нәтижесінде негізгі көрсеткіштердің 2010 жылмен салыстырғанда анағұрлым өскендігі анықталды.

Өндіріс бағдарламасы толық көлемде орындалды. Мәселен, тарифтік жүк айналымы 223 млрд. тонна-шақырым, ал жолаушы тасымалы 14, 6 млрд. жолаушы-шақырымды құрады. Бұл 2010 жылдың деңгейінен 4,7% және сәйкесінше 4,9% -ға жоғары.

Еңбек өнімділігі адамына 4 580 мың теңгені құрап, 2010 жылғы көрсеткіштен 13,1 %-ға асып түскен. Оның ішінде «ҚТЖ» ҰК» АҚ компаниялар тобы арасындағы қызметкерлердің тізімдік саны 153 423 адам, яғни 2010 жылмен салыстырғанда 7%-ға жоғары. Бұл ҚТЖ құрамына «Қамқор» Жөндеу корпорациясы» ЖШС кіруімен байланысты.

«ҚТЖ» ҰК» АҚ компаниялар тобы 2011 жылғы қызмет қорытындысы бойынша 123 млрд. теңге қаржылай пайда тапты. Кіріс - 712 млрд. теңге, 2010 жылдың көрсеткішінен 21,2%-ға өскен. Ал шығын 2010 жылғыдан 13%-ға артып, 589 млрд. теңгені құрады. Амортизация, пайыз бен корпоративті кіріс салығы (EBITDA) боынша аударымға дейін 2010 жылмен салыстырғанда көрсеткіш 36,2%-ға өскен. «ҚТЖ» ҰК» АҚ компаниялар тобы бойынша капиталдық қаржы салымы 2010 жылға қарағанда 2 есе өсіп, 394 млрд. теңгені құрады.

"ҚТЖ" ҰК" АҚ баспасөз қызметі






Ақпараттық хабарлама

«Қазақстан темір жолы» ұлттық компаниясы» акционерлік қоғамы 2012 жылы 15 маусымда 16.00 сағатта мына мекен-жайда: Астана қаласы, Қонаев көшесі, 6, «А» блогы №1609 кабинетте коммерциялық тендер түрінде сауда-саттық өткізілетіндігі туралы хабарлайды.

Коммерциялық тендерге келесі мүлік қойылады:






«Жолаушылар тасымалы» АҚ «Алматы-Петропавл» жаңа жүрдек пойызын іске қосады

«Қазақстан темір жолы» ұлттық компаниясы» акционерлік қоғамы жолаушылар пойызын жақсарту бойынша кешенді жұмыстарды іске асыруды жалғастыруда.

«Жолаушылар тасымалы» АҚ 2012 жылғы 1 шілдеден бастап жүретін №151/152 «Алматы-Петропавл» жаңа жүрдек пойызына билеттерді сату басталғанын хабарлайды. Пойыз күнара қатынайтын болады. Пойыздың жолда жүруінің жалпы уақыты 18 сағат 05 минутты құрайды.

Пойыз Астана қаласындағы «Тұлпар-Тальго» қазақстандық-испандық бірлескен кәсіпорнының зауытында құрастырылған 19 жайлы «Тальго» вагондарынан тұрады. Вагондар «Жолаушылар тасымалы» АҚ жылжымалы құрамының техникалық ресурсын жаңарту және жоғарылату бағдарламасын іске асыру шеңберінде сатып алынды. Соған сәйкес 2010 жылы «Тұлпар-Тальго» БК-мен 2014 жылға дейін 420 жолаушылар вагонын сатып алуға келісім-шарт жасалды.

«Тальго» вагондары жол жүру жайлылығының критерийлеріне сәйкес келеді, жеңіл конструкцияға ие және соңғы технологиялар бойынша Қазақстанның климат жағдайлары үшін арнайы жасалған. Сонымен қатар қалдықтарды жинауға мүмкіндік беретін вакуумдық тазартудың арнайы жүйесімен жабдықталған. «Тальго» вагондарында жылу вагон-электр станциясынан алынатын электр энергиясы арқылы беріледі, бұл ауаға шығатын зиянды заттардың шығарылымын едәуір азайтады.

Жүрдек маршруттарды іске қосу бірінші кезекте пойыздың жолда жүру уақытын шамамен 2 сағатқа қысқартуды көздейтінін айта кету керек. №151/152 -пойызды іске қосу жолда жүру уақытын Алматы-2 станциясынан Петропавлға дейін (ара қашықтығы 1834 ш/м) 30 сағаттан 18 сағатқа дейін қысқартады.

Еске сала кетейік, бүгінгі таңда «Талго» вагондарынан құрастырылған жүрдек пойыздар 2 маршрут бойынша: №1/2 «Алматы-Астана» және №25/26 «Алматы-Шымкент» пойыздары қатынайды. «Жолаушылар тасымалы» АҚ 2010-2014 жылдарға арналған ҚР Көлік инфрақұрылымын дамыту жөніндегі бағдарламаны іске асыру аясында ағымдағы жылдың соңына дейін тағы бір «Ақтөбе-Астана» жүрдек маршрутын іске қосуды жоспарлап отыр. Жалпы 2015 жылға дейін тағы 6: «Астана-Атырау», «Алматы-Атырау» (2013 жыл); «Астана-Қызылорда», «Алматы-Ақтөбе» (2014 жыл); «Астана-Защита», «Алматы-Защита» (2015жыл) жүрдек маршруттарын іске қосу жоспарланып отыр.

«Жолаушылар тасымалы» АҚ Баспасөз қызметі

«ҚТЖ» ҰК» АҚ баспасөз қызметі


 






ҚТЖ қол ұшын созды

«Қазақстан темір жолы» Ұлттық Компаниясы» АҚ қызметкері өртенген үйінің орнына демеушілік көмек қаражатына салынған жаңа баспанаға ие болды.

Ақмола облысындағы Талапкер елді мекенінде өткен салтанатты шараға "ҚТЖ" ҰК" АҚ Әлеуметтік жұмыс басқармасының бастығы Қорлан Медиханова, «Транстелеком» АҚ корпоративті басқару және құқықтық мәселелер жөніндегі вице-президенті Ербол Өмірәлиев және «Транстелеком» АҚ атқарушы директоры – «Астанателеком» филиалының басқарушы директоры Еркін Еленов қатысты. «ҚТЖ» ҰК» АҚ-ның бұл еншілес компаниясы жер учаскесін рәсімдеуге көмектескен.

2010 жылдың қараша айында «Транстелеком» АҚ техникалық бөлімінің инженері Бауыржан Рахымбековтың үйі отқа оранып, қайғылы апат нәтижесінде қызметкердің бір баласы көз жұмған. Компания басшылығы бұл мәселеге бей-жай қарамай, қызметкерге көмек беруге шешім қабылдады. Бүгінгі күнге дейін теміржолшының отбасы Астана қаласы әкімшілігі тұрғын үй департаменті бөліп берген жатақханада тұрып келген еді.

Жаңа үй 4 бөлме мен ас бөлмесінен тұратын 82 шаршы метрді құрайды. Қорлан Медиханованың айтуынша, компания қиын жағдайға душар болған қызметкерлерге әлеуметтік, демеушілік көмекті тегін көрсетеді.

- Үй құрылысына компания 8, 5млн. теңге жұмсады. Баспана толық өңделген күйде беріледі. Құрылысты ешқандай пайдасыз жүргізген серіктесіміз «Аль-Арқа» құрылыс компаниясына алғыс айтамыз. Бұл үй отбасыға тек бақыт пен табыс әкелсін деп тілейміз.

Үш баланың әкесі Б. Рахымбеков көрсеткен көмек пен қолдауы үшін компанияға шын жүректен алғысын білдірді. Ал «Транстелеком» АҚ басшылығы қоныс тойын тойлаушыға жаңа телевизор сыйлады.

«ҚТЖ» ҰК» АҚ баспасөз қызметі






Темір жол бірлестігіне 20 жыл

Мамырдың 17-18 күндері Мәскеуде Достастыққа қатысушы мемлекеттердің темір жол көлігі әкімшілігі Кеңесінің 56 отырысы өткізілуде. «ҚТЖ» ҰК» АҚ делегациясын Ұлттық компанияның президенті Асқар Мамин бастап барды.

Отырысқа барлық темір жол көлігі әкімшіліктері Кеңесінің өкілдері, темір жол көлігі әкімшіліктерінің жетекшілері, сондай- ақ Кеңес Дирекциясының төрағасы қатысты.

Мәжілісті Кеңес Төрағасы «Ресей темір жолдары» ААҚ президенті Владимир Якунин ашты. Бұл бас қосудың негізгі желісі - темір жол көлігі Кеңесінің 20 жылдың мерейтойы.

Осы жиырма жыл ішінде кеңестік кеңістіктегі темір жол көлігі әкімшіліктері өзара бірлескен түрде техникалық, технологиялық және ұйымдасқан түрде 1520 темір жол көлігі жұмыстарын үйлестіріп, сақтап қалды.

ТМД Атқару комитетінің төрағасы – атқарушы хатшысы Сергей Лебедевтің айтуынша, «Кеңес өзінің қызмет атқарған жиырма жылында ТМД кеңістігіндегі ең сапалы салалық құрылым болып сақталып қалды. Ол ұйым өзін темір жол көлігі саласындағы экономикалық серіктестіктің үкімет аралық органы ретінде абыройлы да сапалы қызметімен танылды».

Салтанатты мерейтой кезінде ТМД Атқарушы комитеті, РФ Көлік және коммуникация министрлігі, «Ресей темір жолдары» ААҚ тарапынан темір жол көлігіне еңбек сіңірген бірқатар ардагерлер мен мамандар Алғыс хаттармен, Грамоталармен, естелік сыйлықтармен марапатталды. Олардың қатарында қазақстандық теміржолшылар да бар.

Осы жиырма жыл ішінде темір жол көлігі Кеңесі халықаралық бағдарлардағы жүк және жолаушылар тасымалы, жылжымалы құрамды пайдалану, техникалық құрал жабдықтарды сақтау, жүк және жолаушылар тасымалдаудың Ережесі секілді 200-ден астам нормативтік құжаттар мен өзара ықпалдастық құқықтық актілерін дайындаған екен.

ҚТЖ президенті Асқар Маминнің айтуынша, Кеңес ТМД аумағындағы халықаралық темір жол көлігі қызметін үйлестіруші қызметін атқарды. Соның нәтижесінде, темір жол жылжымалы құрамдары өз бағдарларында кедергілерге тап болған жоқ. Мұның басы қасында Достастық қатысушы мемлекеттердің темір жол көлігі әкімшіліктерінің Кеңесі тұрды.

Кеңес отырысы кезінде бұған дейінгі 55-ші отырыстың шешімдерін орындау барысы қаралды. Пойыз қозғалысының кестесі түзілді. Халықаралық бағдарлардағы жүк пойыздары мен контейнерлік пойыздарды жасақтаудың жоспары, 2011 жылғы және 2011 жылдың алғашқы тоқсанындағы темір жолды пайдалану қорытындысы шығарылды.






Syndicate content

«ҚТЖ» ҰК» АҚ трансформациясы
«ҚТЖ» ҰК» АҚ трансформациясы
«ҚТЖ» ҰК» АҚ приватизациясы
«ҚТЖ» ҰК» АҚ приватизациясы
© АО «НК «Қазақстан темір жолы»
Политика информационной безопасности
Ваш отзыв очень важен для нас
Оценка дизайна web-сайта
Конкурс Детская улыбка