Слайд



Жолаушылар Жүк жөнелтушілер

Онлайн билет сатып алу

Тізімінен станцияны таңдаңыз, содан кейін станцияның атын теруді бастаңыз


«ҚТЖ» ҰК» АҚ трансформациясы
«ҚТЖ» ҰК» АҚ трансформациясы
«ҚТЖ» ҰК» АҚ приватизациясы
«ҚТЖ» ҰК» АҚ приватизациясы

Пресс-релизы

Тасымал көлемі талқылануда

Алматыда ТЖЫҰ кеңесінің 3-ші комиссиясының отырысы өткізілуде. Оған Қазақстан, Ветнам, ҚХР, КХДР, Монғолия, Ресейдің темір жол және сыртқы экономикалық қатынас ұйымдарының өкілдері қатысуда.

Отырыстың күн тәртібінде 2011 жылы кеңеске қатысушы елдер арасындағы тасымал көлемі мен өзара әріптестіктің өзекті жайлары талқыланады.

«Қазақстан темір жолы» ҰК» АҚ атынан сөз сөйлеген Пайдалану жөніндегі басқарушы директоры Қанат Әлмағамбетов Еуропа мен Азия арасындағы тасымалдау көлемін тұрақты түрде арттырып қана қоймай, оны жан-жақты келісім бойынша үйлестіріп отырған теміржол әкімшіліктерінің басшылығына ризалығын білдірді.

Қанат Әлмағамбетовтың айтуынша, «ҚТЖ» ҰК» АҚ 2010 жылды табысты аяқтады. Ұлттық компания отандық машина жасау саласында мол табыстарға кенелуде. Өткен жылы «Локомотив құрастыру зауыты» АҚ «Эволюшн» сериясындағы 30 локомотив шығарса, биылғы жылы 80 магистралдік тепловозды құрастыруды көздеп отыр. «Тальго» компаниясымен бірлескен кәсіпорын жылына 150 жолаушы вагондарын құрастырмақ. Биылғы жыл аяғына дейін «Жетіген –Қорғас» және «Өзен –Түркменстанмен мемлекеттік шекара» теміржолдарымен қозғалыс басталатын түрі бар.

ТЖҰЫ комитетінің өкілі Ли Сунн Гын Қазақстан тарабына осындай кеңесті жақсы ұйымдастырып отырғандығы үшін алғысын білдірді.

Алдағы төрт күнде отырысқа қатысушылар сыртқы тасымалдау көлемінің орындалуы, 2011 жылы халықаралық тасымалдау көлемін келісу, шекаралық бекеттердің өткізу көлемін ұлғайту секілді шараларды қарастыратын болады.

«Қазақстан темір жолы» ҰК» АҚ Баспасөз қызметі






ҚТЖ мен Қытай теміржолы қозғалыс жылдамдығын күшейтпек

ҚР Президенті Нұрсұлтан Назарбаевтың Қытай Халық Республикасына мемлекеттік сапары аясында ақпанның 22-сінде Пекинде «Қазақстан темір жолы» Ұлттық компаниясы» АҚ мен ҚХР темір жол министрлігімен Астана –Алматы аралығында жоғары жылдамдықтағы темір жол құрылысын жүргізу туралы Меморандумға қол қойылды.

Маңызды құжатқа «Қазақстан темір жолы» ҰК» АҚ президенті Асқар Мамин мен Қытай темір жол министрі Шэн Гуанцзу қол қойды.

Меморандум бойынша тараптардың Астана –Алматы аралығына жоғары жылдамдықты теміржол желісін тартудың техникалық –экономикалық дәйектемесін жасау көзделеді.

Қытай темір жолы әлемдегі ең ұзын теміржолдардың бірінен саналады. Оның жалпы ұзындығы 86 мың шақырым. Жоғары жылдамдықты пойыз Қытайда 2007 жылы жүре бастады. Қазіргі таңда оның 7055 шақырымы жоғары жылдамдықты болып саналса, 1995 шақырымында пойыздар қозғалысы сағатына 350 шақырымнан да жоғары.

2008 жылы Пекин мен Тяньцзинь бағдарындағы пойызы сағатына 394,3 шақырым жылдамдықпен жүріп рекорд жасады. Бұл желінің ұзындығы 117 шақырым, оның 100 шақырымы эстакада үстінде, 17 шақырымы топырақ төсемімен қапталған.

Бүгінгі таңда Пекин – Тяньцзинь аралығының пойыз жылдамдығы сағатына 350 шақырым. 






Бакудегі бас қосу

Ақпанның 15-18 аралығында Бакуде Достастыққа қатысушы мемлекеттердің, Латвия, Литва, Эстония республикаларының теміржол әкімшіліктері өкілдері вагон ағыны, жүк пойыздарының саны, мемлекетаралық түйісу бекеттеріндегі салмағы мен ұзындығы, 2011-2012 жылдары жүк пойыздарын, контейнерлерік вагондарды жасақтау мәселесін талқылады.

Кеңес жұмысына қазақстандық делегация құрамында Тасымалдау үдерісіндегі жоспарлау және нормалау департаменті, «Қазақстан темір жолы» ҰК» АҚ – филиалы Тасымалдау үдерісі дирекциясы, сондай-ақ Орал және Шымкент жол бөлімшелерінің жетекшілері қатысты.

Талқылау барысында Қазақстан станцияларында тиелген жүктер мен негізгі вагон ағындары, Еуропадан Қазақстан арқылы Орта Азия мемлекеттеріне бағытталған жүктер жөнінде жалпы ережелер бекітілді. Тасымалдау үдерісін жоспарлау және нормалау департаментінің ұсынысы бойынша Пресногорков мемлекетаралық түйісу бекетіндегі қозғалыс көлемін арттыру мәселесі оң шешімін тапты.

Тасымалдау үдерісін ұйымдастырудағы қатысушы мемлекеттердің арасында тасымалдау мәселесін жан-жақты келісім негізінде атқару Компанияның 2011 жылға арналған және алдағы жылдары атқаратын басымдық берілген тапсырмаларының бірі болып саналады.

«ҚТЖ» ҰК» АҚ

Баспасөз қызметі






Теміржолшылар таңдауы

Қазақстан теміржолшылары кәсіподағының кезектен тыс 7- ші съезі Президенттікке Нұрсұлтан Әбішұлы Назарбаевтың кандидатурасын қолдайтындықтарын бірауыздан білдірді.

Съезд делегаттары алдында сөз сөйлеген «Нұр Отан» ХДП Бастауыш ұйымының төрағасы Асхат Акчурин партия саяси кеңесінің Қазақстан Республикасы Президенттігіне Н. Ә. Назарбаевты 2020 жылға дейін ұсынуын тарихи шешім деп мәлімдеді.

Мемлекет Басшысының Президенттік сайлауға түсуін «Қазақстан темір жолы» ҰК» АҚ кәсіподақ ұжымы толығымен қолдайды.

«Салада еңбек ететін жүз елу мыңға жуық еңбеккерлер өз жауапкершіліктерін шынайы сезінеді,-деп атап өтті А. Акчурин.- жиырма жылдан бері еліміздің магистральдық желісі Президент пен ел Үкіметі жүргізіп жатқан экономикалық реформаларды түбегейлі жүзеге асырып келеді. Ал, бүгінгі таңда темір жол еліміздегі индустриялық инновациялық дамудың локомотивіне айналды».

Саладағы басты жетістіктердің қатарында ел көшбасшысының жетекшілігімен атқарылып жатқан локомотив және вагон шығару өндірістік кәсіпорындары, жаңа теміржол желілерін іске қосу, ондаған инновациялық жобаларды жүзеге асыру арқылы мыңдаған жұмыс орындары ашылды.

Пікірсайысқа ҚР Теміржолшылар кәсіподағының төрағасы О. Ахметбаев, Бурабай курорты жол дистанциясы кәсіподағының төрайымы Т. Мишина, Аягөз локомотив пайдалану депосының машинисі М. Кошляков секілді өңірден келген делегаттар қатысты.

Съезд делегаттары өз сөздерінде Қазақстан экономикасының жылма-жыл өсу деңгейі 7-8 пайыз көлемінде қалыптасып отырғандығын, ауыл-селолардың жаңғыруын, инфрақұрылымдардың дамуын, шағын және орта бизнестің өсуін –демократияның жеңісі деп бағалады.

Бұл әрине, сөзсіз Н. Ә. Назарбаевтың басшылығымен жүзеге асырылып жатқан іргелі өзгерістер.

Қазіргі іс басындағы Президентті кандидат ретінде съездің қатысушылары бірауыздан қолдады.

«Қазақстан темір жолы» ҰК» АҚ Баспасөз қызметі






Ақпараттық хабарлама

«Ремвагон» акционерлік қоғамы 2011 жылы 2 наурыз 16.00 сағатта мына мекен-жайда: Астана қаласы, Қонаев көшесі, 6, «А» блогы №1614 кабинетте 12 рефрижераторлық вагондарды құралдарын сату бойынша аукцион голландық әдіс түрінде сауда-саттық өткізілетіндігі туралы хабарлайды.

Бастапқы бағасы 71 248 000 (жетпіс бір миллион екі жүз қырық сегіз мың) тегені құрайды, төменгі бағасы 3 562 400 (үш миллион елу алпыс екі мың төрт жүз) құрайды.

Сауда-саттыққа Қатысушы ретінде тіркелу үшін:






Әріптестіктің жаңа желісі

Ақпанның 14-інде (АҚШ) Вашингтон қаласында «Қазақстан темір жолы» ҰК» АҚ президенті Асқар Мамин Америка Құрама Штаттарының Экспорт- импорттық банкі басқармасының төрағасы Фред Хогбергпен кездесті. Кездесу барысында Қазақстандағы «Эволюшн» сериясындағы локомотив шығару кәсіпорнын қаржыландыру жайы талқыланды.

Қазіргі таңда АҚШ-тың Эксимбанкі аталмыш жобаға 150 миллион доллар көлемінде қаржы жұмсады. Қаржы Ұлттық компанияның еншілес кәсіпорны «Локомотив» АҚ локомотив паркін жаңғырту мақсатындағы жинақтаушы құрал-жабдықтарын сатып алуға арналды. Ф. Хогберг банкінің «Қазақстан темір жолы» компаниясы алдындағы қаржылық несиелік міндеттерін орындағандықтарын мәлімдеді.

Тараптар өзара әріптестіктегі Астана локомотив құрастыру зауытын қаржыландыруды ұйымдастыруы жайының маңыздылығына тоқталды. 2010 жылы жаңа кәсіпорын 30 тепловоз шығарса, 2011 жылы оны 73 данаға жеткізуді көздеп отыр. Таяу болашақта өндірістік толық қуатында іске қосылған кезде жылына 150 локомотив шығаратын болады.






Монғолия теміржолшылары ҚТЖ тәжірибесімен танысты

«Қазақстан темір жолы» ҰК» АҚ –ында Улан-Батор темір жолының өкілдерімен кездесу өткізілді.

Кездесу барысында Монғолия мамандары Қазақстанның темір жол көлігіндегі жаңғыру жұмыстарымен, құқықтық реформалау барысымен танысты. Нарық кезеңіндегі тасымалдауды үйлестіру, тарифтік қадағалау, локомотив және вагон шаруашылығындағы жұмыстар туралы ақпарат алмасты.






«Жәрдем» көмектесуге кірісті

«Жәрдем» емдеу диагностикалық пойызы жұмысын Батыс Қазақстан облысының шалғай станцияларында жалғастыруда.

Ақпанның -13 күндері емдеу сауықтыру пойызының мамандары 738 адамды қарады. Барлығы 1503 рет дәрігерлердің қарауында болды.

Білікті дәрігерлер 300 медициналық және зертханалық зерттеулер жүргізді.

Бұл жоба арқылы Елбасы Нұрсұлтан Назарбаевтың «Болашақтың іргесін бірге қалаймыз» атты Қазақстан халқына Жолдауын жүзеге асыру барысында алыс станция мен жол айырықтарындағы тұрғындарды қолжетімді медициналық көмекпен қамту көзделуде. Олар медициналық мекемелерден де қашық орналасқан.

Қазақстан халқына Жолдауында Елбасы: Ауыл тұрғындары үшін медициналық көмектің қолжетімділігін кеңейтуге айрықша назар аудару қажет. Өткен жылы жаңа әлеуметтік жоба – мамандандырылған емдеу-диагностикалық екі «Денсаулық» пойызы жұмысын бастады. Олар еліміздің ең шалғай түкпірлерінде ондаған мың адамдардың денсаулықтарын тексеріп, ем жасады. Қазақстан үшін көліктік медицина өте көкейкесті, сондықтан біз оны дамытатын боламыз. Биылғы жылы тағы бір пойыз жіберілетін болады,-деп ерекше атап өткен болатын.






Съезге сай серпін

«НұрОтан» ХДП 13-съезінің қарсаңында «Қазақстан темір жолы» ҰК» АҚ өкілдері Павлодар облысының делегациясын қарсы алды.

Елуден астам делегация мүшелері Астанадағы «Локомотив құрастыру зауыты» АҚ мен компанияның орталық аппараты ғимаратын тамашалады.



«Локомотив құрастыру зауыты» АҚ-ымен танысу барысында қонақтар кәсіпорынның қазақстандық өнімдерді пайдалану деңгейімен, еңбеккерлерге жасалып жатқан әлеуметтік жеңілдіктермен, тепловозды шығаруды көбейту жоспары секілді жайлармен танысты.






Жаңа теміржол бөлімшесі ашылды

«Қазақстан темір жолы» ҰК» АҚ филиалы тағы біреуімен толықты. Компания басқармасының шешімімен 2011 жылғы ақпанның 10-ында Семей жол бөлімшесінің Защита шағын бөлімшесі негізінде 14-ші жаңа құрылым пайда болды.

Шағын бөлімшеге дербес мәртебе беруге телімнің магистралдық желісінің ұзындығы, жүк тиеу, түсіру көлемінің көптігі, басқа жол бөлімшелерімен деңгейлестігі себеп болып отыр.

Защита шағын жол бөлімшесінің жүк тиеу көрсеткіші Алматы, Шымкент жол бөлімшелерімен деңгейлес болса, тиісті жерінде Ақмола, Жамбыл, Қызылорда, Орал, Маңғыстау жол бөлімшелерінен басымдығы да бар.

Жүк түсіру деңгейі Ақмола, Қостанай, Шымкент жол бөлімшесімен бірдей.

Темір жол желісінің ұзындығы 668 шақырым, оған 150 шақырымдық Шар-Өскемен телімі де қосылады.






Syndicate content
Оценка дизайна web-сайта