Мамырдың 17-18 күндері Мәскеуде Достастыққа қатысушы мемлекеттердің темір жол көлігі әкімшілігі Кеңесінің 56 отырысы өткізілуде. «ҚТЖ» ҰК» АҚ делегациясын Ұлттық компанияның президенті Асқар Мамин бастап барды.

Отырысқа барлық темір жол көлігі әкімшіліктері Кеңесінің өкілдері, темір жол көлігі әкімшіліктерінің жетекшілері, сондай- ақ Кеңес Дирекциясының төрағасы қатысты.

Мәжілісті Кеңес Төрағасы «Ресей темір жолдары» ААҚ президенті Владимир Якунин ашты. Бұл бас қосудың негізгі желісі - темір жол көлігі Кеңесінің 20 жылдың мерейтойы.

Осы жиырма жыл ішінде кеңестік кеңістіктегі темір жол көлігі әкімшіліктері өзара бірлескен түрде техникалық, технологиялық және ұйымдасқан түрде 1520 темір жол көлігі жұмыстарын үйлестіріп, сақтап қалды.

ТМД Атқару комитетінің төрағасы – атқарушы хатшысы Сергей Лебедевтің айтуынша, «Кеңес өзінің қызмет атқарған жиырма жылында ТМД кеңістігіндегі ең сапалы салалық құрылым болып сақталып қалды. Ол ұйым өзін темір жол көлігі саласындағы экономикалық серіктестіктің үкімет аралық органы ретінде абыройлы да сапалы қызметімен танылды».

Салтанатты мерейтой кезінде ТМД Атқарушы комитеті, РФ Көлік және коммуникация министрлігі, «Ресей темір жолдары» ААҚ тарапынан темір жол көлігіне еңбек сіңірген бірқатар ардагерлер мен мамандар Алғыс хаттармен, Грамоталармен, естелік сыйлықтармен марапатталды. Олардың қатарында қазақстандық теміржолшылар да бар.

Осы жиырма жыл ішінде темір жол көлігі Кеңесі халықаралық бағдарлардағы жүк және жолаушылар тасымалы, жылжымалы құрамды пайдалану, техникалық құрал жабдықтарды сақтау, жүк және жолаушылар тасымалдаудың Ережесі секілді 200-ден астам нормативтік құжаттар мен өзара ықпалдастық құқықтық актілерін дайындаған екен.

ҚТЖ президенті Асқар Маминнің айтуынша, Кеңес ТМД аумағындағы халықаралық темір жол көлігі қызметін үйлестіруші қызметін атқарды. Соның нәтижесінде, темір жол жылжымалы құрамдары өз бағдарларында кедергілерге тап болған жоқ. Мұның басы қасында Достастық қатысушы мемлекеттердің темір жол көлігі әкімшіліктерінің Кеңесі тұрды.

Кеңес отырысы кезінде бұған дейінгі 55-ші отырыстың шешімдерін орындау барысы қаралды. Пойыз қозғалысының кестесі түзілді. Халықаралық бағдарлардағы жүк пойыздары мен контейнерлік пойыздарды жасақтаудың жоспары, 2011 жылғы және 2011 жылдың алғашқы тоқсанындағы темір жолды пайдалану қорытындысы шығарылды.

Рим (Италия) қаласында мамырдың 7-11 аралығында өткен Теміржолшы спортшылардың Халықаралық Одағы (ТСХО) конгресінде «Қазақстан темір  жолы» Ұлттық Компаниясы» акционерлік қоғамын 14 мемлекет өкілдерінен құралған Тұрақты техникалық комиссияның құрамына енгізу туралы шешім қабылданды.

Биылдан бастап ҚТЖ өкілдері аталмыш комиссияның ресми халықаралық чемпионаттарды өткізуге байланысты отырыстарына қатысатын болады.

Одан бөлек Конгресс шешімімен «Қазақстан темір жолы» компаниясына Қазақстанда 2013 жылы Теміржолшылардың Халықаралық спорт одағының Президиум отырысын өткізу құқығы берілген.

Биылғы жылы компания өкілдері теміржолшы спортшылардың Халықаралық Одағының шахматтан (19-25 мамыр, Болгария)және велоспорттан (10-15 қыркүйек, Чехия) өтетін чемпионаттарына қатысады.

«ҚТЖ» ҰК» АҚ баспасөз қызметі

Астанада «Қазақстан темір жолы» ҰК» АҚ-ында ҚР Көлік және коммуникациялар министрлігінің бастамашылығымен бизнес қауымдастығы Қазақстанның көліктік –логистикалық дамуын, еліміздің транзиттік әлеуетін ұлғайту жайын талқылады.

Негізгі күн тәртібіндегі мәселе бойынша    Қазақстан Республикасының көліктік-логистикалық дамуын, «Қорғас- Шығыс қақпасы» АЭА, «Қорғас» халықаралық кеден бекеті орталығы, KAZLOGISTICS көліктік-логистикалық қауымдастығы міндеттері мен мақсаты және көліктік логистиканы дамытудың басқа да  өзекті жайлары қаралды.

«Атамекен» Одағы Басқарма төрағасының орынбасары А. Мәмбеталин,     KAZLOGISTICS көліктік-логистикалық қауымдастығы Директорлар кеңесінің төрағасы Ю. Лавриненко, «Ақтау халықаралық теңіз порты» РМК директорының бірінші орынбасары Д. Құтпанбаева, Теңіз көлігі қауымдастығы атқарушы директоры Н. Юдин және басқа да 150-ден астам көліктік логистикалық компаниялардың өкілдері, қоғамдық мекемелер,   бизнес қауымдастығы отырысы «ҚТЖ» ҰК» АҚ Логистика жөніндегі вице-президенті Ерхат Есқалиевтің төрағалығымен    өткізілді.

«ҚТЖ» ҰК» АҚ Логистика жөніндегі вице-президенті Ерхат Есқалиев: «бұл басқосу арқылы Ұлттық компания мен бизнес қауымдастығы арасындағы іскерлік байланысқа бастау болады. Біз осындай әріптестік қарым -қатынас жасау арқылы билік пен бизнестің арасындағы сындарлы да ұзақ мерзімге бағытталған логистикалық саладағы ойын үлгісін қамтамасыз етіп, ұзақ мерзімдік жобаларды бірлесе жүзеге асырамыз»,-деп атап өтті.               

Басқосуға қатысушылар алдында «Қазақстан Республикасындағы көліктік-логистикалық саланы стратегиялық дамыту туралы» Ұлттық компания түзген жобаның тұсаукесер рәсімі өткізілді. Жобаның басты мақсаты - көліктік тасымал жүйесіне қатысушы кәсіпорындардың барлығының жұмысын үйлестіріп отырудан туындады.

Страгиялық маңызды құжатты Үкімет мақұлдаған болатын. Қазіргі таңда ҚТЖ мен ҚР Көлік және коммуникациялар министрлігі бірлесе отырып, барлық көлік түрлеріне арналған бірыңғай көліктік индикаторлардың ортақ параметрін жасауға кірісті.

Дөңгелек үстел отырысы барысында Қазақстанның Орта Азияның сауда, логистикалық және іскерлік хабына айналуының мүмкіндігі, оның құқықтық аспектілері, қаржылық –шаруашылық жүргізудегі бизнес қауымдастығының алдынан шығып тұрған кедергілік жайларды шешу жолдары қарастырылды.

Шара соңында еліміздің көліктік- логистикалық дамуын қамтамасыз етудегі бизнес қауымдастығының ұсыныстары мен  пікірлері назарға алынып хатталды.

«КЛДҰО» АҚ, «ҚТЖ» ҰК» АҚ баспасөз қызметі

 

Әрбір халықаралық пойыз енді жеке дара атауға ие болады. «Жолаушылар тасымалы» АҚ «Қазақстан темір жолы» ҰК» АҚ, оның филиалдары мен еншілес компаниялары қызметкерлерінің арасында өткен байқау қорытындысын жариялады.

Енді халықаралық бағыттағы 4 пойыз мынадай атаулармен жүретін болады: «Алматы -Үрімші» - Жібек жолы;  «Астана - Санкт-Петербург» - Еуразия, «Қарағанды – Мәскеу» - Сарыарқа, «Астана - Киев» – Астаналық, сонымен қатар облысаралық бағытта қатынайтын бір пойыз «Алматы - Петропавловск» - Жетісу атауына ие болды.

«Жолаушылар тасымалы» АҚ жолаушылар пойыздарының Корпоротивтік стандартына сай, фирмалық пойыздар, сонымен қатар халықаралық және облысаралық бағыттағы жайлылық деңгейі жоғары жолаушылар  пойыздары  Қазақстанның  тарихы,  географиясы, мәдениеті немесе Қазақстанның  салт-дәстүріне байланысты  жеке  атауларға  ие болуы қажет.

Алғаш рет 2010 жылы «Астана-Мәскеу» бағытында қатынайтын №71/72 «Қазақстан» пойызы жеке атауға ие болады. Дәл осы жылы «Алматы-Мәскеу» халықаралық бағытында қатынайтын №7/8 тағы бір пойызға  «Алатау»  деген атау қойылады.  

Пойыздарға берілген бұл атаулар 2012 жылдың 16 наурызынан 6 сәуірге дейін «Жолаушылар тасымалы» АҚ ұйымдастырған сайыс қорытындысының негізінде берілді. Әділқазы алқасы «ҚТЖ «ҰК» АҚ орталық аппаратында, филалдарында, еншілес ұйымдарында  қызмет жасайтын 51 сайыскерден келіп түскен 217 ұсынысты қарап шықты.     

Әділқазы алқасының шешімі бойынша ең үздік атау ұсынған келесі қатысушылар сайыстың жеңімпаздары болып анықталды:

1. Сейсембеков Қариғұл Арынұлы, «ҚТЖ «ҰК» АҚ филиалы – «Тасымал процесі дирекциясы» Теміржол тармағы иелерімен шарт жұмыстарын ұйымдастыру жөніндегі бөлімнің бас маманы -  Жетісу;

2. Сәрсенова Шынар Ізтайқызы, «ҚТЖ «ҰК» АҚ филиалы -  «Магистральдық желі дирекциясы» Техникалық бөлімінің бас маманы  - Жібек жолы;

3. Данчева Татьяна Николаевна, «Жолаушылар тасымалы» АҚ «Солтүстік» филиалының Сервистік қызмет көрсету Секторының  бастығы  - Евразия;

4. Қыраубаев Асылбек Муталипұлы, «ҚТЖ «ҰК» АҚ  «Шаруашылық басқармасы» филиалы аударма және құжаттарды түзету бөлімінің бастығы - Сарыарқа;

5. Ахметбеков Асқар Мақсұтұлы, «Жолаушылар тасымалы» АҚ Сервистік қызмет көрсету Басқармасының бас маманы - Астаналық.

Игі шараға қатысқан жеңімпаздарға құттықтау сөз жолдап, арнайы  сыйлықтарды «Жолаушылар тасымалы» АҚ өндіріс жөніндегі вице-президенті Талғат  Лесов табыстады.  

«Жолаушылар тасымалы» АҚ баспасөз қызметі

«ҚТЖ» ҰК» АҚ баспасөз қызметі

Мамырдың 4-інде «Қазақстан темір жолы» ҰК» АҚ-ның бас офисінде Ұлы Жеңістің мерекелік шарасына соғыс ардагерлері мен темір жол саласының ардагерлері шақырылды.

Таңертеңгілік ардагерлер Астанадағы Отан Қорғаушылар мемориалдық кешенінде болып, бір минуттық үнсіздікпен елі үшін жанын қиған жауынгер достарын еске алды.

Ұлттық компанияның бас офисіндегі салтанатты шарада Персоналды басқару және әлеуметтік мәселелер жөніндегі вице-президенті Асхат Акчурин ардагерлерге жылы лебізін білдірді.

-Біз Сіздермен Ұлы Жеңістің 67 жылдығы қарсаңында кездесіп отырмыз. Сіздер жастық шақтарыңызды фашистік басқыншылармен соғысуға, соғыстан кейінгі жылдарғы халық шаруашылығын қалпына келтіруге арнадыңыздар. Сіздердің даңқты қаһармандықтарыңыз болаттай шыңдалды. Қанқұйлы соғыс кезінде 1945 жылға дейінгі бес жылда қаншама шақырымдарды артқа тастадыңыздар. Біз Сіздердің алдарыңызда ерлік істеріңіз бен Отанға деген шексіз сүйіспеншіліктеріңіз үшін басымызды иеміз. Ұлттық компания басшылығы атынан Сіздерге алғыс айтамын! 1945 жылдың Жеңісіне жете алмай майдан даласында қыршын кеткендерді мәңгілік есте сақтаймыз!

Көптеген майдангерлер елге жеңіспен оралып, соғыс құлазытып кеткен ел экономикасын қалпына келтіруге мол үлес қосты. Отан алдындағы борыштарын абыроймен атқарып, қысқа мерзімде ғана халық шаруашылығын қалпына келтірді. Жаңа қалалар тұрғызды. Жаңа кәсіпорындар ашты.

Салтанатты шара барысында соғыс және еңбек ардагерлеріне арналып майдан әндері орындалды.

«ҚТЖ» ҰК» АҚ Баспасөз қызметі